Die Grafschaft Bentheim im Unterricht


Plattdeutsche Texte

 

Heergods Natuur

O maakt nich alle grund torecht
tot akkerland, tot maat en weide,
laat hier en door een hökien frij,
een strepien fen, een stückien heide, 
dat hier en door een steechien blief
soa, as et uns de Heergod gif.

  

O haut nich alle hegen fut,
verbrant nich all' de brömmelbüsche,
en maakt nich alle kölke to,
woor wild noch grööjt wee'n, lois en rüschen.
Laat wassen doch den gellen braam,
den wagebus, den barkenbaam!

 

Noch is't in unse Groafschup moij:
O sorgt doch, dat dat so mag blieven!
Wij möt uut unse Moderland
nich alle moijigheid verdrieven!
En'n moijsten goorn up de duur,
dat is en blif doch Gods natuur!

 

Drüm maakt nich alle grund torecht,
tot akkerland, tot maat en weide,
laat hier en door een hökien frij,
een strepien fen, een stückien heide, 
dat hier en door een steechien blief
soa't unsen Leven Heer uns gif.

   

                                Karl Sauvagerd