Die Grafschaft Bentheim im Unterricht


Plattdeutsche Texte

         

Wilssem

"Wilsum ist so wohl gelegen,"
süng'n de Kinder froger al
en dan güng'n se door ant Flegen-
in de Barge kann dat wal.

Lange bin ik nich mehr hier weßt,
men nu bin'k d'r is moal wier,
nu goah ik de Haidepättkes
alle noch is moal wier düür.

Van de oulen Hünengrawe
ik hier al nich völl mehr finn
düür de Barge, düür de Haide
goah ik nu noa Wilssem in.

Wilssem ligg hoast heel in't Gröne
Löö hollt hier wal van Natur,
en nen Goorn heff iedereene
Koapmann, Ambachtsmann, Pastuur.

Seh, de mooje nijje Schoole,
nette Burenhüse all,
ik glöäw, de Wilssmer sind soädöänig
met alles up de Höögte wal.

Nich to natt en nich too dröäge
is et hier, friß is de Lucht,
hier ne Becke, door ne Becke,
dee hoult Lând en Wäiden fucht.

Rund üm Wilssem Barge, Häide,
heel für sik ligg wilssem door-
"Wilsum ist so wohl gelegen"
segg dat Leed- en dat is wohr.

Karl Sauvagerd