Die Grafschaft Bentheim im Unterricht


Plattdeutsche Texte

Gude Noaberschup

Et is noch nich soa lange lehn,
Du hebb' ick is'n moal sehn,
De Zonengreijnse doar int Oosten:
Stacheldröah lopt doar döart Land.
Met Scheten bint se gaww' bij Hand,
De doar stoaht up Posten.
 
Soawatt gefft hier bij uns nich. 
De Grafschup, de an Holland ligg, 
Dött in Free met annern lewen.
Hass en Offgünst, dat hault up.
Wij bebbt gude Noaberschup
De heele Tied bedrewen.
          
Ock de Lö doar achtern Streep
Bint up uns nu nich meähr leep. 
Üm dat, wa wij verbrocken,
As wij dumoals döar eähr Land
Van hier bis an de Waterkant 
Sunner Oarsaak trocken.  

Wij könnt frij noa Holland goahn. 
Könnt uns doar ock gut vestoahn. 
En ock se könnt uns besöken. 
Et was moij, dat met de Tied 
De Lö doar an de annere Siet
Denn Stacheldroaht wegmöken!

Jan Smoor