Die Grafschaft Bentheim im Unterricht


Plattdeutsche Texte

      

Wiese pröate

Off ost, off west – in huus is't best.

Hand in'n schoat, bräing ginn broat.

Oawerleg is halwe arbäit.

Well de waage nich smeert, smeert de smit.

Man möt dat eene doan, en't annere nich loaten.

Loat goahn! – Men nich inne bukse.

Fryen en brillen koapen möt ieder sölfs doan.

Et bint alle soa lewe junge wichter. – Woar kumt bloß de slimm aule wiever vandan?

Kläine kinner trappt ju in'n schoat, groote in't hatte.

Kinner en duune lö seggt de woahrhäit.

Müggen – hebbt de ok rüggen? De hebt bloß een lid, woar kopp en ears an sit.

Et is em alle in'n knüpp loapen.

Hee breckt gin'n grepenstell kapott.

Et is em van de forke gleen.

Alarm was't meeste.

Dee sik s'morgens nix inbeld, is den heelen dag nix.

Alltied siek en noit doat.

Ieder föölt sein äigen liefseerte.

Puchers hebt gin broat, klagers hebt gin noat.

Doar kriegse gin tau an faste.

Doar ma'k met't gatt nich noa lüstern.

Behelpen is gin sattetten.

Hee höl't van'n kott gebett en ne lange wosst.

Better 'n storm up see as in huus gin free.

Dat was'n ander körn, sä de mölder, doa beet he up nen museköttel.

Et helpt alle wat, sä de mügge en pissde in de dinkel.

Sachte goahn en up de klumpe pissen, dat kump van sölws.

Aule hüse bint krüse.

Ik sall di well is weer in'n graben stoaten.

Well sien licham bewaat, bewaat ginnen verrott'n appel.

Kump tied, kump roat, kuumt jungs, kummt buksen.

Met arbäit kann'se heel wat tied verknoijen.

Better ne luus in'n pott as gar gin fläis.

Grummel up 'n soaren toog, heele joahr water genoog.

Krakende waagen loopt lange.

Loop, junge, loop, et gif pannekook met stroop.

Better 'n half äi at nen löögen dop.

Wat de bur met twee perde in huus bräing, kann siene frau wa met de schötte drut brengen.

At de katte ut't huus is, bin't de müse baas.

Better arm en slicht as riek en de gicht.

Hee is ock nich ounder de uule utbrott.

Teggen 'n foar mess kannse nich anstinken.

Seerte könn i an besten hebben up'n tipp van de kloump.

Hee was nett soa satt at de hound et kölle fretten.

Better duun as geck.

Arbäit is för de dummen en nen puckel för de krummen.

Klooke hooner legt ok mangs inne brennettel.

Sloapen, fretten suupen, sachte goahn en pupen, dat sleet an.

Hee geeht liek dör de wäilt en dwass dör'n pannekooken.

             Gesammelt von Wilhelm Sager und Hermann van der Veen – Liese