Die Grafschaft Bentheim im Unterricht


Plattdeutsche Texte

  

November

Kaulen Newel lat sick sacken
Ower Stadt un Dorp un Land.
Un met siene kaule Hand
Krieg de Harwstwind weer te packen
kahle Töge, soare Rüschen.
Hee nemp met sick Blatt up Blatt
Un leg de meesten sachies tüschen
Struk un Rüsche, doar ien Gatt.

Seh ick Blatt und Stengel sacken
Döar den Newel, up de Grund
- offgestorwen, geel off bunt
kriegt Gedanken my te packen:
De my seggt: Et spöllt dat Lewen,
tüschen Fallen, tüschen Stoahn,
tüschen Nemmen, tüschen Gewen,
tüschen Kummen, tüschen Goahn.

                             Jan Smoor