Die Grafschaft Bentheim im Unterricht


Plattdeutsche Texte

          

Röste

 

De meesten Lö hebbt eähren Wagen. 

Wenn ock nich all' allewen groot.

Se dot vandage nicks as jagen,

Nich eene geht noch gern tefoot. 

En doch höart men hoast alle Dage. 

Alltied weär dat sölve Lied,

Alltied weär de sölvde Klage:

"Ick bin drock, ick hebb gin Tied!"

     

Woar bint de aulen Tiden blewen, 

De Röste, de in eär regeärt'?

Se binnt weg ut unse Lewen.

All lang vedrewen en veteärt.

De Menschen hebbt gin Dür noch Röste,

Binnt upgeregt, jagt hen en her.

Vedriewt de Free ut eähre Pöste.

Hebbt noijt genog, willt aijt noch meähr.

    

De Menschen bint doch te beduhren. 

De nargens eähre Röste find.

Netsölvs, off't Borgers binnt, off Buuren,

Off se noch jung, off öller bint. 

Arm bint se alle, de vull Sorgen, 

Gin Free, en ock gin Röste find'. 

Riek doartegen, de denn Morgen, 

Idebott tefree beginnt.

                               Jan Smoor