Die Grafschaft Bentheim im Unterricht


Plattdeutsche Texte

    

Dat Winterkled

  

Sunner wat de hören

fall ihn Hej un Dören

owerall den Snee.

Hee legg sick sackles tuschen

Struk un Leck un Rüschen

un ower Vechte, Dinkel, Lee.

  

Sunner et de gewen

deckt den Snee dat Lewen

dör sien Kled moj to.

Lat et rössen, sloapen

un upt Föärjoahr hoppen,

soawens late, morgens fro.

  

Et grenst kot ant Wunner,

den keulen Snee deckt unner

de junge Wintercoat,

weert off veschejde moalen

de keule, keule Stroahlen,

breckt se, Groad ümm Groad.

 

Bis de Föärjoahrssünne

vant Kled de leste Plünne

velopen un vetehren lat.

Dann wasst ut Kien un Noahlen,

dör de Sünnenstroahlen,

dat erste, gröne Blatt.

                         J. Smoor